كبسولة السوبر .. ده وقتك يا أخطبوط.. لماذا يجب أن يبدأ مصطفى شوبير أساسيًا مع الأهلي؟

في كرة القدم، دائمًا تأتي لحظات التحوّل… لحظات بيكون فيها القرار الصعب هو المفتاح لبداية جديدة.

ومن وجهة نظري، ده هو التوقيت المثالي اللي لازم مصطفى شوبير ياخد فيه مكانه كحارس أساسي للنادي الأهلي، بداية من الموسم الجديد.

مصطفى شوبير مش مجرد حارس ناشئ بيجرب نفسه، بالعكس، هو أثبت في كل المرات اللي اتطلب فيها وجوده إنه حارس موهوب، ثابت، وبيكبر كل مرة بيخش فيها الملعب.

كفاية إنه كان عنصر مؤثر في تتويج الأهلي بلقب دوري أبطال إفريقيا الـ12، وكان دايمًا على قدر المسؤولية.

محمد الشناوي؟ .. أكيد حارس كبير وليه تاريخ، لكن سنة الحياة بتقول إن التدوير مطلوب، والتجديد كمان.

ووجود الشناوي كبديل لشوبير مش تقليل منه، لكن بالعكس، بيدي استقرار وخبرة للمنظومة، خصوصًا إن وراك كمان حراس زي أحمد سيحا ومصطفى مخلوف جاهزين و”ستاند باي” وقت اللزوم.

وإنت بتتفرج على شوبير، مش بس هتلاحظ تصدياته ولا شجاعته في الكرات العالية، لكن كمان هتشوف تطور كبير في الـfootwork والبناء من الخلف (Build-up play)، ودي بقت من أهم مواصفات الحارس الحديث.

الخلاصة؟

الوقت جه إن الأهلي يبدأ موسم جديد بحارس جديد في الصورة الأساسية.

ومع الدعم والثقة، شوبير يقدر يكون الحارس الأول للقلعة الحمراء.. وإنت مطمن